நானே வருவேன் படத்தில் தன்னுடைய காட்சிகள் படமாக்கப்பட்டு முடிந்துவிட்டதாக நடிகை எல்லி அவ்ரம் தெரிவித்துள்ளார்.
தனுஷ் நடிப்பில் செல்வராகவன் இயக்கத்தில் உருவாகிவரும் நானே வருவேன் என்ற படத்தின் படப்பிடிப்பு விறுவிறுப்பாக நடைபெற்று வருகிறது . இந்த நிலையில் இந்த படத்தில் தனுஷ் இரட்டை வேடத்தில் நடித்து வருவதாகவும் அதில் ஒரு வேடத்தில் சுவிஸ் நாட்டின் நடிகை நடிக்க இருப்பதாகவும் கூறப்படுகிறது.
சுவிஸ் நாட்டு நடிகை எல்லி அவ்ரம் என்பவர்தான் தனுஷின் நாயகியாக நடிக்கிறார். இந்நிலையில் தற்போது அவர் பகிர்ந்துள்ள புகைப்படம் ஒன்று இணையத்தில் வைரலாகியுள்ளது. தனுஷ், செல்வராகவன் மற்றும் ஒளிப்பதிவாளர் ஓம்பிரகாஷ் ஆகியோருடன் அந்த புகைப்படத்தில் இருக்கும் எல்லி அவ்ரம் ‘தன் சம்மந்தப்பட்ட காட்சிகள் நிறைவடைந்து விட்டதாகவும், தனுஷ் போன்ற ஒரு சக நடிகரோடு நடித்தது மகிழ்ச்சி’ என்றும் கூறியுள்ளார்.