தனுஷ் நடித்துவரும் 44வது திரைப்படத்தின் அப்டேட்களை இன்று காலை முதல் வரிசையாக சன் பிக்சர்ஸ் நிறுவனம் வெளியிட்டு வருகிறது என்பதை பார்த்து வருகிறோம்
குறிப்பாக இந்த படத்தில் பாரதிராஜா மற்றும் பிரகாஷ் ராஜ் முக்கிய வேடத்தில் நடிக்க இருப்பதாக முதலில் அறிவித்தது. அதன்பின் இந்த படத்தில் நாயகிகளாக நித்யா மேனன், ராசி கண்ணா மற்றும் பிரியா பவானி சங்கர் ஆகிய மூவரும் நடிக்க இருப்பதாக அறிவிக்கப்பட்டது
இந்த அறிவிப்பு தனுஷ் ரசிகர்கள் மத்தியில் பரபரப்பை ஏற்படுத்தியது என்பது குறிப்பிடத்தக்கது இந்த நிலையில் சற்று முன் தனுஷ் நடிக்கும் ’D44' திரைப்படத்தின் டைட்டில் நாளை மாலை 6 மணிக்கு வெளியாகும் என அறிவிக்கப்பட்டுள்ளது. இதனால் தனுஷ் ரசிகர்கள் உற்சாகத்தின் எல்லைக்கே சென்று உள்ளனர்
சமீபத்தில்தான் தனுஷின் 43வது திரைப்படத்தின் டைட்டில் மாறன் என்று அறிவிக்கப்பட்டது என்பது தெரிந்ததே