ஜெயிலர் மற்றும் வேட்டையன் ஆகிய ஹிட் படங்களைத் தொடர்ந்து ரஜினிகாந்த் தற்போது ‘கூலி’ படத்தில் நடித்து வருகிறார். இந்த படத்தை லோகேஷ் கனகராஜ் இயக்க, அனிருத் இசையமைக்க சன் பிக்சர்ஸ் நிறுவனம் தயாரித்து வருகிறது.
பேன் இந்தியா படமாக உருவாகி வரும் இந்த படத்தில் நாகார்ஜுனா, உபேந்திரா, சத்யராஜ், சௌபின் சாஹிர், ஸ்ருதிஹாசன் மற்றும் அமீர்கான் ஆகியோர் நடித்துள்ளனர். படப்பிடிப்பு முடிந்து தற்போது போஸ்ட் புரொடக்ஷன் பணிகள் நடந்து வருகின்றது. படம் ஆகஸ்ட் 14 ஆம் தேதி ரிலீஸாகவுள்ளது. துறைமுகப் பின்னணியில் தங்கக் கடத்தல் பற்றிய படமாக ‘கூலி’ இருக்கும் என எதிர்பார்க்கப்படுகிறது.
ஏற்கனவே படத்தில் இருந்து இரண்டு தனிப்பாடல்கள் வெளியாகி கவனம் ஈர்த்துள்ளன. இந்நிலையில் இந்த படத்தை டீசர் மற்றும் டிரைலர் என எதுவும் இல்லாமல் ரிலீஸ் செய்யும் திட்டத்தில் சன் பிக்சர்ஸ் நிறுவனம் உள்ளதாக சொல்லப்படுகிறது. மிகப்பெரிய எதிர்பார்ப்பு இருக்கும் இந்த படத்துக்கு ஏன் இப்படி ஒரு சோதனை முயற்சி என ரஜினி ரசிகர்கள் அதிருப்தி அடைந்துள்ளனர்.
