அந்த படத்துக்கு அவர்தான் இயக்குனர்… உறுதியாக இருந்த அஜித் தரப்பு!

அஜித் இப்போது தன்னுடைய 62ஆவது படமான விடாமுயற்சி படத்தில் கவனம் செலுத்தி வருகிறார். இந்த படத்தின் ஷுட்டிங் அஸர்பைஜானில் நடந்து வருகிறது.  இந்த திரைப்படத்தை லைகா நிறுவனம் தயாரிக்க, மகிழ்திருமேனி இயக்குகிறார். அனிருத் இசையமைக்கிறார். இந்தபடத்தின் அறிவிப்பு சில மாதங்களுக்கு முன்னே வெளியாகி இருந்தாலும் ஷூட்டிங் இப்போதுதான் அஜர்பைஜானில் தொடங்கியுள்ளது.

இந்த படத்தை முதலில் கோ, விண்ணைத்தாண்டி வருவாயா உள்ளிட்ட படங்களின் தயாரிப்பாளர் எல்ரெட் குமார் தயாரிக்க உள்ளதாக சொல்லப்பட்டது. ஆனால் இப்போது தெலுங்கின் முன்னணி தயாரிப்பு நிறுவன மான மைத்ரி மூவி மேக்கர்ஸ் தயாரிக்க வாய்ப்புள்ளதாக சொல்லப்படுகிறது. ஆனால் இப்போது இந்த படத்தில் இருந்து ஆதிக் ரவிச்சந்திரன் இப்போது நீக்கப்பட்டுள்ளதாக சொல்லப்படுகிறது. பேன் இந்தியா படமாக உருவாக உள்ள இந்த படத்தை பிரபல டோலிவுட் இயக்குனர் கோபிசந்த் மலினேனி இயக்க உள்ளதாக தகவல்கள் வெளியாகியுள்ளன.

ஆனால் இப்போது அந்த தகவலில் உண்மையில்லை என்றும், ஆதிக் ரவிச்சந்திரன்தான் அந்த படத்தை இயக்க உள்ளார் என்று சொல்லப்படுகிறது. அவர்தான் அந்த படத்தை இயக்க வேண்டும் என்பதில் அஜித் தரப்பு உறுதியாக இருந்ததாக சொல்லப்படுகிறது.