இயக்குனர் பாரதிராஜாவால் திரையுலகிற்கு அறிமுகப்படுத்தப்பட்டவர் நடிகை பிரியாமணி, பாரதிராஜாவின் "கண்களால் கைது செய்" படத்தின் மூலம் தமிழில் அறிமுகமாகி பிறகு தனுஷ், பிருத்திவிராஜ், விஷால், கார்த்தி உள்ளிட்ட முன்னனி நடிகர்ளுடன் நடித்தார்.
கார்த்தியுடன் நடித்த பருத்தி வீரன் படம் தமிழில் இவருக்கு பெரும் புகழை பெற்றுத் தந்தது. அந்த படத்தில் மதுரை தமிழில் சொந்தக்குரலில் பேசி நடித்த பிரியாமணிக்கு தேசிய விருது கிடைத்தது. இதனிடையே தெலுங்கு, கன்னடம் உள்ளிட்ட மற்ற மொழி படங்களிலும் நடித்தார்.
இதற்கிடையே, தொழிலதிபர் முஸ்தபா ராஜு என்பவரை காதலித்து 2017 ம் ஆண்டு திருமணம் செய்துகொண்டனர். திருமணத்திற்குப் பிறகும் தொடர்ந்து நடிப்பேன் என்று கூறிய பிரியா மணி, கடந்த சில மாதங்களுக்கு முன்னர் கலர்ஸ் தொலைக்காட்சியில் ஒளிபரப்பான டான்ஸ் ஜோடி டான்ஸ் ‘ ஒளிபரப்பான நடுவராக பங்குபெற்றார். ஆனால், சில நாட்களுக்கு முன்பு அந்த நிகழ்ச்சியில் இருந்து விலகினார்.
