இந்த நிலையில் வாலாஜாபேட்டை தேவதானம் ரோடு என்ற பகுதியைச் சேர்ந்த 19 வயது பிரியா என்ற நர்சிங் படித்த இளம் பெண் டெங்கு காய்ச்சல் காரணமாக உயிரிழந்தார். இவர் ஒரு மருந்து கடையில் பணிபுரிந்து வந்த நிலையில், திடீரென ஒரு வாரத்திற்கு முன்பு காய்ச்சல் ஏற்பட்டதாகவும், இதனை அடுத்து அரசு மருத்துவமனையில் சிகிச்சைக்காக அனுமதிக்கப்பட்டு இருந்த நிலையில், அங்கு அவருக்கு டெங்கு பாதிப்பு இருப்பது கண்டுபிடிக்கப்பட்டதாகவும் தெரிகிறது.
ஏற்கனவே இதே பகுதியில் 13 வயது மாணவன் ஒருவன் டெங்கு காய்ச்சலால் உயிரிழந்த நிலையில், அங்கு பொதுமக்கள் மத்தியில் பதற்றம் ஏற்பட்டுள்ளது. இந்த நிலையில், வாலாஜாபேட்டை பகுதியில் நூற்றுக்கும் மேற்பட்டோர் தினந்தோறும் மருத்துவமனைக்கு வந்து காய்ச்சலுக்கு சிகிச்சை பெற்று வருவதாக கூறப்படுகிறது.
