சமீபத்திய அளவீடுகளில், ஈரோட்டில் அதிகபட்சமாக 106.6 டிகிரி ஃபாரன்ஹீட் வெப்பம் பதிவாகியுள்ளது. இதனைத் தொடர்ந்து, பரமத்தி வேலூர் மற்றும் திருச்சியில் தலா 104.9, திருத்தணியில் 104.18, வேலூரில் 104.36, மதுரை விமான நிலையம் மற்றும் பரங்கிப்பேட்டையில் தலா 104, மதுரை நகரில் 103.28, பாளையங்கோட்டையில் 103.82, தஞ்சாவூரில் 102.2, சேலத்தில் 101.48, சென்னை மீனம்பாக்கத்தில் 100.08 டிகிரி ஃபாரன்ஹீட் வெப்பம் பதிவாகியுள்ளது.
இதே நேரத்தில், தென்மேற்கு வங்கக் கடல் மற்றும் தமிழக கடலோரப் பகுதிகளில் வளிமண்டல கீழடுக்கு சுழற்சி உருவாகியுள்ளது. இதன் தாக்கமாக மே 15 முதல் 20 வரை தமிழ்நாடு, புதுச்சேரி மற்றும் காரைக்கால் பகுதிகளில் இடியுடன் கூடிய மிதமான மழைக்கு வாய்ப்புள்ளது.
மேலும், இன்று கிருஷ்ணகிரி, தருமபுரி, திருப்பத்தூர், வேலூர் மாவட்டங்களில் மற்றும் மே 16 அன்று நாகை, தஞ்சை, திருவாரூர், மயிலாடுதுறை, திருச்சி உள்ளிட்ட மாவட்டங்களில் சில இடங்களில் கனமழை பெய்யக்கூடும். சென்னை மற்றும் புகாரில் லேசான மழை வாய்ப்பு உள்ளது.
