சென்னை தியாகராய நகர் திருப்பதி தேவஸ்தானம் கோயில் விரிவாக்கம் செய்ய 19 கோடி ரூபாய் நிதி ஒதுக்கீடு செய்யப்பட்டுள்ளதாக தகவல் வெளியாகி உள்ளன.
திருமலை - திருப்பதி தேவஸ்தானத்தின் தமிழ்நாடு மற்றும் புதுச்சேரி ஆலோசனைக் குழுதலைவராக சேகர் ரெட்டி மீண்டும் நியமனம் செய்யப்பட்டார்.
அவருக்கு திருமலை - திருப்பதி தேவஸ்தான அறங்காவலர் குழு தலைவர் கருணாகர் ரெட்டி பதவிப் பிரமாணம் செய்து வைத்தார்.
இதன்பின்னர் செய்தியாளர்களிடம் சேகர் ரெட்டி, ‘தமிழகத்தில் இருந்து திருப்பதிக்கு நடைபாதையாக செல்லும் பக்தர்களின் வசதிக்காக வேலூர் - திருப்பதி, பெரியபாளையம் -திருப்பதிசாலையில் தங்கும் சத்திரங்கள் அமைக்கப்பட உள்ளதாக தெரிவித்தார்.
மேலும் தி.நகர் உள்ள திருமலை திருப்பதி தேவஸ்தான கோயில் விரிவாக்கம் செய்யப்பட உள்ளதாகவும் அதற்காக ரூ.19 கோடி நிதி வழங்கப்பட்டுள்ளதாகவும், விரைவில் இதன் பணி தொடங்கும் என்றும் அவர் தெரிவித்தார்.