அந்த வகையில் கோழி சாப்பிட்டால் கொரோனா வரும் என்று பரவிய வதந்தியும் அடக்கம். இது வெறும் வதந்திதான் என பல மருத்து நிபுணர்களும் தெரிவித்த பிறகும் கூட மக்களிடையே கோழிக்கறி சாப்பிடுவதில் பெரும் தயக்கம் இருந்து வருகிறது. மக்களின் தயக்கத்தை போக்க சிக்கன் கடைகளும், பிரியாணி கடைகளும் பல்வேறு சலுகைகளை அறிவித்து மக்களை கவர முயல்கின்றனர்.
அந்த வகையில் மதுரையில் ஒரு பிரியாணி கடையின் விளம்பரம் இணையத்தில் ட்ரெண்டாகியுள்ளது. ”கொரோனாவை எதிர்த்து தமிழா உணவு திருவிழா” என்ற பெயரில் ஒட்டப்பட்டுள்ள அந்த போஸ்டரில் கொரோனா எதிர்ப்பு கிரில், கொரோனா எதிர்ப்பு ஆம்லேட் போன்ற விதவிதமான மெனுக்கள் பட்டியலிடப்பட்டுள்ளன. மேலும் செல்போனில் காவலன் செயலி வைத்துள்ள பெண்களுக்கு ஆண்டு முழுவதும் 10 சதவீதம் தள்ளுபடி உண்டாம்.
