தளபதி விஜய் நடித்த பிகில் படத்தை தயாரிக்கும் ஏஜிஎஸ் நிறுவனத்திற்கு மிகப்பெரிய லாபம் கிடைத்ததாக செய்திகள் வெளிவந்த நிலையில் இன்று காலை அதிரடியாக ஏஜிஎஸ் நிறுவனத்தின் சென்னை அலுவலகங்களில் மற்றும் வீடுகளில் வருமானத்தை வருமான வரித் துறையினர் ரெய்டு நடத்தினர்
இந்த ரெய்டு நடந்து கொண்டிருக்கும் போதே திடீரென வருமானத் துறை அதிகாரிகள் மாஸ்டர் படப்பிடிப்பு நடந்து வரும் நெய்வேலிக்கு சென்று விஜய்யிடம் விசாரணை நடத்தினர். இதனால் பெரும் பரபரப்பு ஏற்பட்டது
இந்த நிலையில் சற்று முன் வந்த தகவலின்படி விஜய்யின் சாலிகிராமம் மற்றும் நீலாங்கரை வீடுகளிலும் ஐடி அதிகாரிகள் ரெய்டு நடத்தி வருவதாக கூறப்படுகிறது. ஒரே நேரத்தில் பிகில் பட தயாரிப்பாளர் மற்றும் நாயகன் ஆகிய 2 பேர் வீடுகளிலும் ஐடி ரெய்டு நடப்பதால் பிகில் படக்குழுவினர்களிடையே பெரும் பரபரப்பு ஏற்பட்டுள்ளது. அதுமட்டுமின்றி விஜய் வீட்டில் ரெய்டு நடப்பதை அறிந்த விஜய் ரசிகர்களும் அதிர்ச்சி அடைந்து உள்ளனர் என்பது குறிப்பிடத்தக்கது