I.N.D.I.A மற்றும் NDA ஆகிய இரண்டு கூட்டணியிலும் நாங்கள் இல்லை என தெலுங்கானா மாநில முதல்வர் சந்திரசேகர் ராவ் தெரிவித்துள்ளார்.
வரும் 2024 ஆம் ஆண்டு தேர்தலில் பாஜக கூட்டணியை வீழ்த்த வேண்டும் என இந்தியாவில் உள்ள பல எதிர்க்கட்சிகள் இணைந்து I.N.D.I.A என்ற கூட்டணியை அமைத்துள்ளன.
ஆனாலும் இதில் ஒரு சில முக்கிய கட்சிகள் இணையவில்லை என்பது குறிப்பிடத்தக்கது. குறிப்பாக உத்தரபிரதேச மாநிலத்தில் உள்ள மாயாவதி கட்சி, தெலுங்கானா மாநிலத்தில் உள்ள சந்திரசேகர் ராவ் கட்சி, ஆந்திராவில் உள்ள ஜெகன்மோகன் ரெட்டி கட்சி ஆகியவை முக்கியமானவை.
இந்த நிலையில் I.N.D.I.A மற்றும் NDA ஆகிய 2 கூட்டணியிலும் நாங்கள் இல்லை என்று தெலுங்கானா முதலமைச்சர் சந்திரசேகர் ராவ் தெரிவித்துள்ளார். நாங்கள் இரண்டு பக்கமும் இல்லை, இரண்டு பக்கத்திலும் செல்ல விரும்பவில்லை. அதே நேரத்தில் நாங்கள் தனியாகவும் இல்லை, எங்களுக்கும் சில நண்பர்கள் இருக்கிறார்கள் என்று கூறியுள்ளார். இதனை அடுத்து மூன்றாவது அணி அணி அமைய வாய்ப்பு இருப்பதாக கூறப்படுகிறது.