உள்துறை அமைச்சராக உள்ள அமித்ஷா தனது பதவியை ராஜினாமா செய்ய வேண்டும் என சமூக வலைத்தளங்களில் கண்டனங்கள் எழுந்துள்ளது.
டெல்லி ஜவஹர்லால் நேரு பல்கலைகழகத்தில் ஆசிரியர் சங்கம் சார்பில் பொதுக்கூட்டம் ஒன்று நடந்து கொண்டிருந்தது. அப்போது உள்ளே நுழைந்த மர்ம கும்பல் இரும்பு கம்பிகளால் மாணவர்களை தாக்கியுள்ளனர். இந்த தாக்குதலில் காயம் அடைந்த 18 பேர் மருத்துவமனையில் அனுமதிக்கப்பட்டிருக்கும் நிலையில், மேலும் பல பல்கலைகழக மாணவர்கள் இந்த தாக்குதலுக்கு கண்டனம் தெரிவித்து போராட்டத்தில் இறங்கியுள்ளனர்.
மேலும் இந்த தாக்குதலுக்கு பாஜக மாணவர் சங்கத்தினர் தான் காரணம் எனவும் கூறப்படும், இந்நிலையில் இந்த தாக்குதல் சம்பவம் குறித்து உடனடியாக அறிக்கை சமர்பிக்குமாறு டெல்லி காவல்துறை ஆணையருக்கு உள்துறை அமைச்சர் அமித்ஷா உத்தரவிட்டுள்ளார்.
இருப்பினும் சமூக வலைத்தளமான டிவிட்டரில் #ResignAmitShah என்ற ஹேஷ்டேக் டிரெண்டாக்கப்பட்டு வருகிறது. இதோடு, #LeftAttacksJNU, #JNUUnderAttack, #JNUattack, #JNUViolence, #EmergencyinJNU, #OccupyGateway ஆகிய ஹேஷ்டேக்குகளும் டிரெண்டாக்கப்பட்டு வருகின்றன.