பிரதமர் நரேந்திர மோடி இன்று பிரிட்டனுக்கு அரசு முறை சுற்றுப்பயணம் மேற்கொள்ளவிருக்கிறார். இந்த பயணத்தின்போது இரு நாடுகளுக்கும் இடையே சில முக்கியமான வர்த்தக ஒப்பந்தங்கள் கையெழுத்தாகும் என எதிர்பார்க்கப்படுகிறது. இந்த ஒப்பந்தங்கள், இந்தியாவுக்கு ஏற்றுமதியாகும் கார்கள் மற்றும் விஸ்கியின் விலைகளை கணிசமாக குறைக்கும் வாய்ப்புள்ளதாக தகவல்கள் வெளியாகியுள்ளன.
இந்த வர்த்தக ஒப்பந்தத்தின்படி, 99% வரிகள் பூஜ்ஜியமாக மாற்றப்படும் என்று எதிர்பார்க்கப்படுகிறது. அதேபோல், பிரிட்டன், இந்தியாவிடமிருந்து இறக்குமதி செய்யப்படும் 90% பொருட்களுக்கான வரிகளைக் குறைக்கவுள்ளது. குறிப்பாக, இந்தியாவிலிருந்து ஏற்றுமதியாகும் துணிகள், காலணிகள், நகைகள் போன்ற பொருட்களுக்கு தற்போது விதிக்கப்படும் 4% முதல் 16% வரையிலான வரிகள் முழுமையாக ரத்து செய்யப்படலாம் என்று கூறப்படுகிறது.
இதேபோல், இங்கிலாந்திலிருந்து இந்தியாவுக்கு இறக்குமதி செய்யப்படும் கார்கள் மீதான வரிகள் 100%லிருந்து 10% ஆக குறைக்கப்படும் என்றும் எதிர்பார்க்கப்படுகிறது. அதுமட்டுமின்றி, இங்கிலாந்திலிருந்து இறக்குமதி செய்யப்படும் 'ஸ்காட்ச் விஸ்கி' மீதான இறக்குமதி வரி 150%லிருந்து 75% ஆக குறைக்கப்படலாம் என்றும் கூறப்படுகிறது.
இந்த ஒப்பந்தங்கள் கையெழுத்தானால், இரு நாடுகளுக்கும் இடையிலான வணிக உறவுகள் மேலும் வலுப்பெற்று, வர்த்தகம் கணிசமாக அதிகரிக்கும் என்று எதிர்பார்க்கப்படுகிறது.
