உத்தரப்பிரதேச மாநிலத்தில் உள்ள பிரயாக்ராஜ் என்ற பகுதியில் மகா கும்பமேளா நடைபெற்று வரும் நிலையில், இந்த கும்பமேளா நிகழ்ச்சியை கொண்டாட முதல் நாளில் மட்டும் ஒன்றரை கோடி பக்தர்கள் வருகை தந்ததாகவும், திரிவேணி சங்கமத்தில் லட்சக்கணக்கான மக்கள் புனித நீராடியதாகவும் தகவல் வெளியாகியுள்ளது.
இந்த நிலையில், நேற்று முதல் தொடங்கிய மகா கும்பமேளா நிகழ்ச்சிக்கான ஏற்பாடுகள், ஒரு ஆண்டுக்கு முன்பே தொடங்கப்பட்டுள்ளன. உலகின் பல்வேறு நாடுகளில் இருந்தும் ஆன்மீக பெரியவர்கள், பொதுமக்கள், பக்தர்கள் என லட்சக்கணக்கான மக்கள் குவிந்து வருகின்றனர். சனி மற்றும் ஞாயிற்றுக்கிழமைகளில் 83 லட்சம் பேர் கங்கை நதியில் புனித நீராடியதாகவும், நேற்று மட்டும் ஒன்றரை கோடி பேர் புனித நீராடியதாகவும் கூறப்படுகிறது.
