ஆஸ்திரேலியா-இலங்கை அணிகளுக்கிடையே டி20 போட்டிகள் நடைபெற்றுக் கொண்டிருக்கும் நிலையில், இரண்டாவது டி20 போட்டி நேற்று நடைபெற்றது. டாஸ் வென்ற இலங்கை அணி, முதல் ஆட்டத்தில் இறங்கி 19 ஓவர்களில் 117 ரன்களுக்குள் அனைத்து விக்கெட்டுகளையும் இழந்தது.
இதனை தொடர்ந்து களமிறங்கிய ஆஸ்திரேலியா அணி 13 ஓவர்களிலேயே 118 ரன்கள் குவித்து வெற்றி பெற்றது. இதனிடேயே இந்த போட்டியில் இலங்கை அணியை சேர்ந்த சுழற்பந்துவீச்சாளர் சண்டகன், 13 ஆவது ஓவரை வீசினார். அப்போது அவரது இரண்டாவது பந்தை எதிர்கொண்ட வார்னர், அந்த பந்தை நேர் திசையில் அடித்தார். அவர் அடித்த பந்து பவுலரின் கையில் சிக்காமல் நேராக மறுமுனையில் உள்ள ஸ்டெம்பினை அடித்தது.
அப்போது மறுமுனையிலிருந்த ஆஸ்திரேலியா பேட்ஸ்மேன் ஸ்மித், எல்லை கோட்டிற்கு வெளியே வந்துவிட்டார். அவர் திரும்புவதற்குள் அவரை ரன் அவுட செய்ய வேண்டும் என்று நினைத்து சண்டகன் பந்தை கையில் எடுத்தார். ஆனால் அவர் என்ன நினைத்தாரோ தெரியவில்லை பந்தை ஸ்டெம்ப்பை நோக்கி வீசாமல், மற்றொரு கையினால் ஸ்டெம்ப்பை பிடுங்கினார். அதற்குள் ஸ்மித் எல்லை கோட்டிற்குள் வந்துவிட்டார்.
