இந்த தோல்விக்குப் பின்னர் பேசிய இங்கிலாந்து கேப்டன் ஜோஸ் பட்லர் “இந்திய அணி மொத்தமாக எங்களை விட சிறப்பாக விளையாடியது. அவர்கள் 20 முதல் 25 ரன்கள் கூடுதலாக சேர்த்துவிட்டனர். இது ஒரு சவாலான ஆடுகளம். இந்த போட்டியில் மழை பெரிய தாக்கத்தை ஏற்படுத்துமென நாங்கள் நினைக்கவில்லை. அப்படி நடக்கவும் இல்லை. டாஸ் வென்று நாங்கள் பேட் செய்திருந்தாலும் எந்த மாற்றமும் இருந்திருக்காது என நினைக்கிறேன். இந்திய அணியில் சிறந்த ஸ்பின்னர்கள் உள்ளனர். நான் மொயின் அலியை பந்துவீச்சில் பயன்படுத்தி இருக்கவேண்டும். அதிக ரன்கள் சேர்த்து சிறந்த பந்துவீச்சைக் கொண்டு எங்களை வீழ்த்தியுள்ளார்கள்” எனக் கூறியுள்ளார்.
