ஒரு பெண்ணின் நிர்வாண படத்தை அவருக்கு தெரியாமல் புகைப்படம் எடுத்து, இணையத்தில் வெளியிட்ட அமெரிக்காவின் பிரபல மாடல் அழகியான டானி மாதர்ஸ் சிக்கலில் சிக்கியுள்ளார்.
இவர் கடந்த மாதம் அவர் வழக்கமாக போகும் உடற்பயிற்சி நிலையத்திற்கு சென்றுள்ளார். லாக்கர் அறையில் ஒரு பெண் நிர்வாணமாக நின்று கொண்டிருந்ததைக் கண்ட அவர், அவரை புகைப்படம் எடுத்தார்.
அதற்கு ‘If I can’t unsee this then you can’t either’ என்று தலைப்பு வைத்து தனது சமூக வலைத்தள பக்கத்தில் பதிவிட்டார். அதைக் கண்ட பலரும் அவரை கடுமையாக விமர்சித்தனர். எதிர்ப்புகள் அதிகரிக்கவே, மன்னிப்பு கேட்டு அதை நீக்கி விட்டார்.
ஆனால், அந்த உடற்பயிற்சி மையம், இது குறித்து போலீசாரிடம் புகார் அளித்தது. போலீசாரின் விசாரணையில், டானி மாதர்ஸின் குற்றம் நிருபீக்கப்பட்டால் அவருக்கு 6 மாத சிறைத்தண்டனையும் 1000 டாலர் வரை அபராதமும் விதிக்க வாய்ப்பிருப்பதாக தருகிறது.