நடிகர் விஜய் தேவாரகொண்டாவும் ராஷ்மிகா மந்தனாவும் காதலில் இருப்பதாக கடந்த சில நாட்களாக ஊடகங்களில் செய்திகள் வெளியாகிக் கொண்டு இருக்கின்றன.
விஜய் தேவாரகொண்டாவும் ராஷ்மிகா மந்தனாவும் இணைந்து நடித்த கீத கோவிந்தம் மற்றும் டியர் காம்ரேட் ஆகிய இருபடங்களும் வெற்றி பெற்றன. இதையடுத்து இவர்கள் இருவரும் காதலித்து வருவதாகவும் விரைவில் திருமணம் செய்துகொள்ள போவதாகவும் சமூக ஊடகங்களில் கடந்த சில தினங்களாக வதந்திகள் பரவி வந்தன. அதை இப்போது விஜய் முற்றிலும் மறுத்துள்ளார். தன்னுடைய டிவிட்டர் பக்கத்தில் ‘வழக்கம் போல அறிவில்லாத செய்திகள்’ எனக் கூறியுள்ளார்.