ஸ்ரீ தேனாண்டாள் மூவிஸ் தங்களின் 100 -வது படத்தை பிரமாண்டமாக தயாரிப்பதும், சரித்திரப் படமான அதனை சுந்தர் சி. இயக்குவதும் அறிந்ததே.
ரஹ்மான் இந்தப் படத்துக்கு இசையமைப்பதை அதிகாரப்பூர்வமாக அறிவித்துள்ளார். படத்தின் பட்ஜெட் 250 முதல் 350 கோடிகள்வரை என்கிறார்கள்.
இவ்வளவு பெரிய பட்ஜெட்டில் நடிக்க முன்னணி நடிகர்கள் நடிக்க ஆர்வம் காட்டுவதுதான் வழக்கம். ஆனால், சங்கமித்ரா என்றாலே வேண்டாம் சாமி என்று ஒதுங்கிக் கொள்கிறார்கள்.
இந்த சரித்திரப் படத்தில் சூர்யா நடிப்பதாக கூறப்பட்டு, அதனை சூர்யாவே மறுத்தார். பிறகு விஜய் நடிப்பார் என்றார்கள். அவரும் சங்கமித்ராவில் நடிக்கப் போவதில்லை என்று அவருக்கு நெருக்கமான வட்டாரம் தெரிவிக்கிறது.