கல்யாணத்துக்காக, படப்பிடிப்பில் இருந்து 10 நாட்கள் மட்டுமே லீவு எடுக்கப் போகிறாராம் சமந்தா.
நாக சைதன்யா – சமந்தா திருமணம், வருகிற அக்டோபர் மாதம் 6ஆம் தேதி நடக்க இருக்கிறது. இந்து மற்றும் கிறிஸ்தவ முறைப்படி நடக்கும் இந்த திருமணத்தில், தென்னிந்திய திரையுலகைச் சேர்ந்த பிரபலங்கள் கலந்துகொள்ள இருக்கின்றனர்.
சமந்தாவிடமோ, ஏகப்பட்ட படங்கள் கைவசம் இருக்கின்றன. அட்லீ இயக்கத்தில் விஜய்யுடன் நடிக்கும் படம், விஷாலுடன் ‘இரும்புத்திரை’, விஜய் சேதுபதியுடன் ‘அநீதி கதைகள்’, தமிழ் மற்றும் தெலுங்கில் உருவாகிவரும் நடிகை சாவித்ரியின் வாழ்க்கை வரலாறு, மாமனார் நாகர்ஜுனா ஜோடியாக ஒரு தெலுங்குப் படம், ராம் சரண் ஜோடியாக ஒரு தெலுங்குப் படம், பொன்ராம் இயக்கத்தில் சிவகார்த்திகேயன் நடிக்கும் படம் என சமந்தாவின் படங்களை அடுக்கிக் கொண்டே போகலாம்.
இந்நிலையில், திருமணத்திற்காக மூன்று மாதங்கள் நடிப்பிற்கு பிரேக் விடப்போகிறார் சமந்தா என்று தகவல்கள் வெளியாகின. ஆனால், அதை மறுத்துள்ள சமந்தா, அக்டோபர் 1 முதல் 10 நாட்களுக்கு மட்டுமே லீவ் எடுக்கப் போவதாகத் தெரிவித்துள்ளார்.