கருணாநிதி பிறந்தநாளில் டாக்டர் ராமதாஸ் வாழ்த்து கூறிய நிலையில் அவரது பாமக கட்சி, திமுக கூட்டணிக்கு செல்ல அதிக வாய்ப்பு இருப்பதாக கருதப்படுகிறது.
முன்னாள் முதல்வர் கருணாநிதியின் நூற்றாண்டு விழா இன்று தொடங்கவிருக்கும் நிலையில் பாமக நிறுவனர் டாக்டர் ராமதாஸ் தனது வாழ்த்து செய்தியில் கூறியிருப்பதாவது:
தமிழ்நாட்டின் முன்னாள் முதலமைச்சரும், எனது நண்பருமான முத்தமிழறிஞர் கலைஞரின் நூற்றாண்டு விழா தொடங்கும் இந்த நாளில் சமூக முன்னேற்றத்திற்காக அவர் ஆற்றிய பணிகளை நினைத்துப் பார்க்கிறேன்.
தந்தைப் பெரியார் வகுத்துக் கொடுத்தப் பாதையில் அறிஞர் அண்ணா விட்டுச் சென்ற பணிகளை கலைஞர் திறம்பட மேற்கொண்டதால் தான் ஒடுக்கப்பட்ட, பிற்படுத்தப்பட்ட மக்களுக்கு உயர்வும், உரிமைகளும் கிடைத்தன. அவரது உழைப்பு அனைவரும் பின்பற்ற வேண்டிய பாடம்.
கலைஞரின் உழைப்பையும், சமூகத்திற்காக ஆற்றிய பணிகளையும் இந்நாளில் மட்டுமின்றி எந்நாளும் அனைவரும் போற்ற வேண்டும்.
இந்த வாழ்த்து செய்தி திமுக கூட்டணிக்கு அச்சாரமா? என்பதை பொறுத்திருந்து பார்ப்போம்..