’’பப்ஜி கேம் ’’ எவ்வளவு நேரம் விளையாடலாம் தெரியுமா?

இந்தியாவில் அண்மைக்காலமாகவே குழந்தைகள், மாணவர்கள் மற்றும் இளைஞர்கள் என எல்லோருமே தீவிரமாக மூழ்கி இருப்பது பப்ஜி கேம்மில் தான்.

இதற்கு முன்னர் புளூ வேல் விளையாட்டில் ஈடுப்பட்டு சிலர் தங்கள் வாழ்க்கையை முடித்துக்கொண்டு சமபவங்களும் இந்தியாவில் நடந்ததுண்டு. தற்போது பப்ஜி வெளிநாட்டு சமாச்சாரமான இந்த விளையாட்டில் நம் நாட்டில் குழந்தைகளும், மாணவர்களும் இளைஞர்களும், பெரியவர்களும் மூழ்கி விடுகின்றனர். சிலர் அடிக்டாகி விடுகின்றனர்.

இந்நிலையில் இதற்கு தீர்வு காணும் விதமாக தற்போது இனிமேல் ஒருநாளைக்கு 6 மணிநேரம் தான் பப்ஜி கேம் விளையாட முடியும் என்று கட்டுப்பாடு கொண்டுவரப்பட்டுள்ளது.

இது இந்தியாவில் விளையாடும் வீரர்களுக்கும் மாத்திரம் தான் என்று கூறப்படுகிறது. இதில் இரண்டு மணிநேரத்தில் எச்சரிக்கை கொடுக்கிறது. அதனைத்தொடர்ந்து 6 மணிநேரம் ஆகிவிட்டால் ஹெல்த் ரிமைண்டர் என்று ஒரு சமிக்ஞை தோன்றி மீண்டும் நாளைதான் விளையாட முடியும் என்று தெரிவிக்கிறது.

இது பப்ஜி ரசிர்க்களிடையே அதிருப்தியை ஏற்படுத்தியுள்ளது. ஆயினும் விளையாட தடையில்லையே என்று இதில் ஆறுதல் பட்டுக்கொள்வோரும் உண்டு.