தலைநகர் சென்னையின் அனைத்து தொகுதிகளிலும் திமுக வெற்றி தடம் பதித்தாலும், கொங்கு மண்டல பிரதான மாவட்டமான கோயம்புத்தூரில் கிணத்துகடவு தவிர அனைத்து தொகுதிகளிலும் திமுக கூட்டணி தோல்வி முகமாக உள்ளது. இந்நிலையில் கோவை தோல்வியை மையப்படுத்தி ட்விட்டரில் #முட்டாள்கோவையனுங்க என்ற ஹேஷ்டேகை சிலர் ட்ரெண்ட் செய்து வருகின்றனர். இதற்கு மறுமொழி அளிக்கும் வகையில் பதிவிட்டுள்ள கோவை பகுதியை சேர்ந்த சிலர் மக்கள் தாங்கள் விரும்பிய ஒருவரை தங்கள் பிரதிநிதியாக்க வாக்களித்த நிலையில் அவர்களை முட்டாள் என பேசுவதா என்று அதிருப்தி தெரிவித்துள்ளனர்.
