நடிகர் ராதாரவி, கங்கை அமரன், கஸ்தூரி ராஜா ஆகியோருக்கு பாஜகவில் புதிய பதவி வழங்கப்பட்டுள்ளது.
தமிழக பாஜகவின் புதிய மாநில துணை தலைவர்கள், பொது செயலாளர்கள், பொருளாளர்கள், செயற்குழு உறுப்பினர்கள் ஆகியோரின் மொத்த பட்டியலை தமிழக பாஜக சமீபத்தில் வெளியிட்டது.
திமுகவிலிருந்து விலகி தமிழக பாஜகவில் இணைந்த வி.பி துரைசாமிக்கு பாஜக மாநில துணை தலைவர் பதவி வழங்கப்பட்டது. செய்தி சேனல் விவாதங்களில் பிரபலமான ராம சுப்பு தேசிய பொதுக்குழு உறுப்பினராக பதவி பெற்றுள்ளார்.
இவர்களை தவிர சினிமா பிரபலங்களான நமீதா, கௌதமி, குட்டி பத்மினி மற்றும் மதுவந்தி ஆகியோர் மாநில செயற்குழு உறுப்பினர்களாக தேர்ந்தெடுக்கப்பட்டனர்.
இந்நிலையில் இன்று தமிழக பாஜக மாநில செயற்குழு உறுப்பினர்களாக நடிகர் ராதாரவி, கங்கை அமரன், கஸ்தூரி ராஜா ஆகியோர் நியமிக்கப்பட்டுள்ளனர்.