உலக கோப்பை டி20 பயிற்சி ஆட்டத்தில் இந்திய அணி வங்கதேசத்தை வீழ்த்தி வெற்றி பெற்றுள்ளது.
ஐசிசி உலக கோப்பை போட்டிகள் இன்று முதல் தொடங்கி நடைபெற உள்ளது. இந்நிலையில் முன்னதாக சில அணிகள் இடையே பயிற்சி ஆட்டங்கள் நடைபெற்றது. நேற்று இந்தியா – வங்கதேச அணிகள் இடையே பயிற்சி ஆட்டம் நடைபெற்றது.
அதில் முதலில் பேட்டிங் செய்த இந்தியா 20 ஓவர்கள் முடிவில் 5 விக்கெட் இழப்பிற்கு 182 ரன்களை இந்தியா எடுத்திருந்தது. அதிகபட்சமாக ரோஹித் சர்மா 23 ரன்கள், ரிஷப் பண்ட் 53 ரன்கள், ஹர்திக் பாண்ட்யா 40 ரன்கள், சூர்யகுமார் 31 ரன்கள் அடித்தனர். சஞ்சு சாம்சன் 1 ரன்னில் அவுட் ஆனார்.
தொடர்ந்து களமிறங்கிய வங்கதேச அணியை இந்தியா பந்துவீச்சில் அதிரடி காட்டி வீழ்த்தியது. அதிகபட்சமாக முஹமதுல்லா மட்டும் 40 ரன்கள் அடித்தார். பலரும் ஒற்றை இலக்கத்திலும், டக் அவுட்டும் ஆனார்கள். இதனால் 20 ஓவர்கள் முடிவில் வங்கதேசம் 9 விக்கெட்டுகளை இழந்து 122 ரன்கள் மட்டுமே எடுத்து தோல்வி அடைந்தது
இந்திய பந்துவீச்சாளரான அர்ஷ்தீப் சிங் 2 விக்கெட்டுகளையும், ஷிவம் துபே 2 விக்கெட்டுகளையும் வீழ்த்தினர்.
இன்று முதல் ஐசிசி உலக கோப்பை போட்டிகள் தொடங்கும் நிலையில் தற்போது அமெரிக்கா – கனடா இடையே போட்டிகள் நடைபெற்று வருகிறது.