இந்தியா-பாகிஸ்தான் போரை நான் தான் நிறுத்தினேன், இஸ்ரேல்-ஈரான் போரை நான்தான் நிறுத்தினேன்" என்று கூறிக்கொண்டிருக்கும் அமெரிக்க அதிபர் டிரம்ப்புக்கு நோபல் பரிசு வழங்க வேண்டும் என ஏற்கனவே பாகிஸ்தானின் ராணுவ தளபதி ஆசிம் முனீர் பரிந்துரை செய்த நிலையில், தற்போது இஸ்ரேல் பிரதமர் பெஞ்சமின் நெதன்யாகுவும் பரிந்துரை செய்திருப்பது பரபரப்பை ஏற்படுத்தியுள்ளது. இதையெல்லாம் பார்க்கும்போது டிரம்ப்புக்கு அநேகமாக அமைதிக்கான நோபல் பரிசு கிடைத்துவிடுமோ என்ற எண்ணம் ஏற்பட்டுள்ளது.
இஸ்ரேல் பிரதமர் பெஞ்சமின் நெதன்யாகு, அமெரிக்க அதிபர் டொனால்ட் டிரம்ப்புக்கு நோபல் பரிசு வழங்க வேண்டும் என்று பரிந்துரை செய்துள்ளார். நோபல் பரிசுக்கு அவர் தகுதியானவர் என்றும், அவர் அமைதிக்கான நோபல் பரிசை பெற வேண்டும் என்றும், காசா போர் மற்றும் ஈரான் அணுசக்தி நெருக்கடியைத் தீர்த்து வைத்தவர் டிரம்ப் என்றும் அவர் தெரிவித்தார்.
