நடிகர் யாஷ் கேஜிஎப் படத்தின் இரண்டாம் பாகத்துக்காக இதுவரை கன்னட சினிமாவில் யாரும் வாங்காத அளவுக்கு சம்பளம் வாங்கியுள்ளாராம்.
கன்னட நடிகர் யாஷ் நடித்து 2018 டிசம்பரில் வெளியான படம், கே.ஜி.எஃப்: சாப்டர் 1. கன்னடத்தில் எடுக்கப்பட்ட இந்த படம் ஹிந்தி, தமிழ், தெலுங்கு உள்ளிட்ட மொழிகளிலும் டப்பிங் செய்யப்பட்டு வெளியிடப்பட்டது. இந்த படத்தை இயக்குனர் பிரசாந்த் நீல் இயக்கியிருந்தார். இந்தியா முழுவது மிகப்பெரும் வரவேற்பை பெற்றது இந்த படம். இதனை அடுத்த பாகமான கே.ஜி.எஃப்: சாப்டர் 2 தற்போது உருவாகி வருகிறது. இந்த படத்தின் டீசர் நேற்று இரவு இணையத்தில் வெளியானது.
இந்நிலையில் தென்னிந்தியா முழுவதும் பாகுபலி ஹீரோ பிரபாஸைப் போல அதிக ரசிகர்கள் கொண்ட நடிகராக உருவாகியுள்ளார். இதனால் கேஜிஎப் இரண்டாம் பாகத்துக்காக யாஷுக்கு இதுவரை கன்னட சினிமாவில் யாருமே வாங்காத அளவுக்கு 30 கோடி ரூபாய் சம்பளம் வாங்கியுள்ளதாக சொல்லப்படுகிறது.