விடுதலை படத்தை வெற்றிமாறன் தொடங்கும் முன்பே வாடிவாசல் படத்தை சூர்யா மற்றும் தயாரிப்பாளர் தாணுவோடு இணைந்து அறிவித்தார். ஆனால் சிறிய பட்ஜெட்டில் தொடங்கிய விடுதலை நான்கு ஆண்டுகளுக்கு மேல் இழுத்துக் கொண்டதால் இன்னும் வாடிவாசல் தொடங்கப்படவில்லை. இதற்கிடையில் வாடிவாசல் கைவிடப்பட்டு விட்டது என்றெல்லாம் தகவல்கள் பரவின என்பது குறிப்பிடத்தக்கது.
இந்நிலையில் வாடிவாசல் படத்துக்காக காளைகளை அனிமேட்ரானிக்ஸ் தொழில்நுட்பத்தில் உருவாக்கும் பணிகள் நடந்து வரும் நிலையில் அதை இறுதி செய்வதற்காக இயக்குனர் வெற்றிமாறன் விரைவில் லண்டன் செல்லவுள்ளார். அங்கு சென்று வந்தபின்னர் விடுதலை 2 ரிலீஸ் முடிந்த பின்னர் வாடிவாசல் படத்தின் பணிகளை அவர் தொடங்கவுள்ளதாக சொல்லப்படுகிறது.
