நடிகர் அஜித்குமாரின் ‘விடாமுயற்சி’ திரைப்படம் பல்வேறு பிரச்சனைகளால் பல தாமதங்களைக் கடந்து நேற்று முன்தினம் உலகம் முழுவதும் ரிலீஸானது. அவர் நடித்த ‘துணிவு’ திரைப்படம் 2022 ஆம் ஆண்டு ரிலீஸானது. அதன் பிறகு இரண்டு ஆண்டுகள் கழித்து ‘விடாமுயற்சி’ திரைப்படம் ரிலீஸான நிலையில் ரசிகர்கள் உற்சாகமான வரவேற்பை அளித்தனர்.
ஆனால் படம் கலவையான விமர்சனங்களைப் பெற்றதால் அதன் பிறகு அடுத்தடுத்த நாட்களில் வசூல் குறைந்தது. இதற்குக் காரணம் வழக்கமான மாஸ் மசாலா படமாக இல்லாமல் அஜித் இந்த படத்தில் அடக்கி வாசித்ததுதான் காரணம் என்று சொல்லப்படுகிறது. படத்தில் அஜித் ரசிகர்கள் எதிர்பார்த்த மாஸ் அம்சங்கள் இல்லை என்பது ஒரு குறையாக சொல்லப்பட்டு வருகிறது.
இந்நிலையில் இது பற்றி பேசியுள்ள படத்தின் ஸ்டண்ட் இயக்குனர் சுப்ரீம் சுந்தர் “விடாமுயற்சி தல படம் போல இல்லை என்றும், மாஸ் அம்சங்கள் இல்லை என்றும் சொல்கிறார்கள். விடாமுயற்சியில் எதெல்லாம் இல்லையோ அதெல்லாம் குட் பேட் அக்லி யில் 10 மடங்கு இருக்கும்.” எனக் கூறியுள்ளார்.
