டான் திரைப்படத்தின் வெற்றியை அடுத்து கவனிக்கப்படும் இயக்குனராகியுள்ள சிபி சக்ரவர்த்தி. சிவகார்த்திகேயனின் எஸ்கே ப்ரொடக்ஷன்ஸும் லைகா நிறுவனமும் இணைந்து ஒரு தயாரித்த டான் திரைப்படம் மிகப்பெரிய வெற்றி படமாக அமைந்தது.
இதையடுத்து அவர் ரஜினிகாந்த் மற்றும் நானி ஆகியோருக்கு கதை சொன்னார். ஆனால் இரண்டு பேருக்குமே அந்த கதை பிடிக்காத சூழலால் அந்த படங்கள் அடுத்த கட்டத்துக்கு நகரவில்லை. இந்நிலையில் இப்போது அவர் தன்னுடைய முதல் பட ஹீரோவான சிவகார்த்திகேயனுடன் மீண்டும் இணைய உள்ளதாக சொல்லப்படுகிறது.
இந்த படத்தை பேஷன் ஸ்டுடியோஸ் நிறுவனம் சார்பாக சுகன் இயக்க தயாரிக்க உள்ளாராம். இந்த நிறுவனத்துக்காக இரண்டு படங்களில் நடிக்க சிவகார்த்திகேயன் ஒப்பந்தம் செய்துள்ளதாக சொல்லப்படுகிறது. இந்த படங்களில் மற்றொரு தயாரிப்பாளராக விஜய்யின் மேலாளர் ஜெகதீஷும் இணைந்துள்ளாராம்.