இதையடுத்து 2023 ஆம் ஆண்டில் அவர் நடிப்பில் ரிலீஸ் ஆன பதான் மற்றும் ஜவான் ஆகிய இரண்டு திரைப்படங்களும் ஹிட்டடித்து 1000 கோடி ரூபாய்க்கு மேல் வசூல் செய்து சாதனைப் படைத்தன. இந்நிலையில் அவர் நடிப்பில் ராஜ்குமார் ஹிரானி இயக்கிய டன்கி திரைப்படம் டிசம்பர் 21 ஆம் தேதி ரிலீஸ் ஆனது. இந்த படம் மற்ற இரு படங்களை போல மிகப்பெரிய வெற்றியைப் பெறவில்லை என்றாலும் தோல்விப்படமாகவும் அமையவில்லை.
இந்நிலையில் ஷாருக் கான் சமீபத்தில் ஒரு விருது வழங்கும் நிகழ்வில் கலந்துகொண்டார். அப்போது அவரிடம் மீண்டும் மணிரத்னம் இயக்கத்தில் எப்போது நடிக்கப் போகிறீர்கள் எனக் கேட்கப்பட்டது. அதற்கு பதிலளித்த அவர் “நான் எப்போதும் அவரிடம் கேட்பது இதுதான். இப்போது வெளிப்படையாகக் கேட்கிறேன். அடுத்த முறை நீங்கள் விமானத்தின் மேல் ஆட சொன்னாலும் நான் தயாராக இருக்கிறேன்” எனக் கூறியுள்ளார்.
