சூர்யாவின் அடுத்த பட இயக்குனர், தயாரிப்பாளர் யார்? புதிய தகவல்..!

நடிகர் சூர்யா தற்போது வெங்கி அட்லூரி இயக்கத்தில் நடித்துவரும் நிலையில், அவரது அடுத்த படத்திற்கான இயக்குநர், தயாரிப்பாளர் குறித்த தகவல்கள் கசிந்துள்ளன. 

சூர்யாவின் அடுத்த படத்தை பிரபல மலையாள இயக்குநர் ஜித்து மாதவன் இயக்க இருப்பதாகவும், அவர் கடந்த ஆண்டு வெளியான 'ஆவேசம்' என்ற சூப்பர் ஹிட் படத்தை இயக்கியவர் என்பதும் குறிப்பிடத்தக்கது. 

இந்த படம் கிட்டத்தட்ட உறுதி செய்யப்பட்டுவிட்டதாகவும், இந்த படத்தை ஸ்டுடியோ க்ரீன் ஞானவேல் ராஜா தயாரிக்க இருப்பதாகவும் கூறப்படுகிறது. சூர்யா - வெங்கி அட்லூரி படத்தின் படப்பிடிப்பை முடித்தவுடன், ஜித்து மாதவன் இயக்கும் படத்தின் படப்பிடிப்பு தொடங்கும் என எதிர்பார்க்கப்படுகிறது.

ஞானவேல் ராஜா தயாரிப்பில் சூர்யா நடித்த கங்குவா திரைப்படம் மிகப்பெரிய தோல்வி அடைந்த நிலையில் அந்த நஷ்டத்தை ஈடு கட்டும் வகையில் அவருக்காக இன்னொரு படத்தை நடித்து கொடுக்க சூர்யா முடிவு செய்துள்ளதாக கூறப்படுகிறது

Edited by Siva