கடந்த சில ஆண்டுகளாக பழைய படங்கள் ரி ரிலீஸ் ஆகி ரசிகர்கள் இடையே ஆதரவைப் பெற்று வருகின்றன. இதில் உச்சபட்ச வெற்றியைப் பெற்றது விஜய்யின் ‘கில்லி’ திரைப்படம். கடந்த ஆண்டு இந்த படம் கிட்டத்தட்ட 300க்கும் மேற்பட்ட திரைகளில் ரி ரிலீஸ் செய்யப்பட்டு 20 கோடி ரூபாய்க்கு மேல் வசூலித்துள்ளதாக சொல்லப்படுகிறது. ரி ரிலீஸில் ஒரு படம் இவ்வளவு தொகை வசூலித்திருப்பது இதுவே முதல் முறை.
இதையடுத்து போக்கிரி, பகவதி மற்றும் துப்பாக்கி ஆகிய படங்கள் ரி ரிலீஸ் செய்யப்பட்டன. இதையடுத்து இந்த ஆண்டு அவரின் சச்சின் திரைப்படம் கோடை விடுமுறையை முன்னிட்டு ரிலீஸாகி 10 கோடி ரூபாய் வரை வசூலித்தது. விஜய் ஜனநாயகன் படத்தோடு சினிமாவில் இருந்து விலகவுள்ளதாக அறிவித்துள்ள நிலையில் அடுத்தடுத்து அவரின் பழைய படங்கள் ரிரிலீஸாகும் என எதிர்பார்க்கப்படுகிறது.
