தமிழ் திரையுலகின் முன்னணி நடிகர் அஜித்குமார், கார் பந்தயங்களில் தீவிர ஆர்வம் கொண்டவர் என்பது அனைவரும் அறிந்ததே. தனது ஆர்வத்தை அவர் தொழில்முறை ரீதியாகவும் வெளிப்படுத்தி வருகிறார். இந்த நிலையில், அவரது "AK Racing" அணியில் இந்தியாவின் முதல் ஃபார்முலா 1 (F1) பந்தய வீரரான நரேன் கார்த்திகேயன் இணைந்துள்ளார். இந்த செய்தி, அஜித் மற்றும் கார் பந்தய ரசிகர்களிடையே பெரும் உற்சாகத்தை ஏற்படுத்தியுள்ளது.
தமிழ்நாட்டை சேர்ந்தவரான நரேன் கார்த்திகேயன், உலக அளவில் இந்தியாவை கௌரவப்படுத்தியவர். அவர் இப்போது அஜித்குமாரின் AK Racing அணியில் சேர்ந்து, கார் பந்தயத்தில் ஈடுபட உள்ளார்.
