கூலி படத்தில் மட்டும்தான் எனக்கு அந்த அழுத்தம் இல்லை.. பிளாஷ்பேக் பரிசோதனை.. மனம் திறந்த லோகேஷ்!

தமிழ் சினிமாவில் இன்று மோஸ்ட் வாண்டட் இயக்குனராக அனைத்து ஹீரோக்களாலும், தயாரிப்பு நிறுவனங்களாலும் விரும்பப்படுகிறார் லோகேஷ் கனகராஜ். அதற்குக் காரணம குறுகிய காலத்தில் முன்னணி நடிகர்களை வைத்து சூப்பர் ஹிட் படங்களை அடுத்தடுத்துக் கொடுத்து வருகிறார்.

தனது இயக்குநர் பயணத்தை "மாநகரம்" திரைப்படம் மூலம் தொடங்கினார். அதன் பின்வரும்  "கைதி", "மாஸ்டர்", "விக்ரம்", "லியோ" போன்ற வெற்றிப்படங்களை இயக்கி ரசிகர்களை பெரிதும் கவர்ந்தவர். தற்போது ரஜினிகாந்த் நடிக்கும் ‘கூலி’ படத்தை இயக்கி வருகிறார். இந்த படத்தின் ஷூட்டிங் முடிந்து ப்ரமோஷன் பணிகள் நடைபெற்று வருகின்றன.

இந்நிலையில் சமீபத்தில் அளித்துள்ள ஒரு நேர்காணலில் பேசியுள்ள அவர் “கூலி படத்தில் மட்டும்தான் எனக்கு ரிலீஸ் தேதி அழுத்தம் இல்லை. இந்த ஆகஸ்ட் 14 ரிலீஸ் தேதியை நான்தான் முடிவு செய்தேன். இந்த படத்தில் பிளாஷ்ஃபேக் காட்சிகளில் சில பரிசோதனை முயற்சிகளை செய்துள்ளோம். அது விஷ்வலாகவோ அல்லது ஆடியோவாகவோ இருக்கும்” எனக் கூறியுள்ளார்.