தமிழ் சினிமாவின் சூப்பர் ஸ்டார் நடிகர்களில் ஒருவர் விஜய். இவரது மகன் சஞ்சய். இவர் கனடாவில் சினிமா சம்பந்தமாக படிப்பு படித்து வந்த நிலையில், குறும்படம் ஒன்றை இயக்கியிருந்தார்.
இந்நிலையில் கடந்த வாரம் சஞ்சய் லைகா நிறுவனத்துக்காக படம் இயக்கப் போவதாக அறிவிப்பு வெளியாகி பரபரப்பை ஏற்படுத்தியது. அது முதல் சஞ்சய் இயக்கப் போகும் படத்தில் இளம் நடிகர் ஒருவர் ஹீரோவாக நடிக்க பேச்சுவார்த்தை நடந்துவருவதாக சொல்லப்படுகிறது.
இப்போது இந்த படத்தின் முன் தயாரிப்புப் பணிகள் நடந்து வரும் நிலையில் இந்த படத்தின் கதைக்களம் மொழிகள் தாண்டியும் மக்களைக் கவரும் என்பதால், 10க்கும் மேற்பட்ட மொழிகளில் ரிலீஸ் செய்ய லைகா நிறுவனம் இப்போது திட்டமிட்டு வருவதாக சொல்லப்படுகிறது.