கமல்ஹாசன் நடிப்பில் ஷங்கர் இயக்கத்தில் உருவாகி வரும் ’இந்தியன் 2’ படம் தொடங்கப்பட்டு நான்கு ஆண்டுகளுக்கு மேலாகியும் இன்னும் ரிலீஸாகவில்லை. படப்பிடிப்புத் தளத்தில் நடந்த விபத்தில் மூன்று பேர் உயிரிழந்ததை அடுத்து படப்பிடிப்பு நிறுத்தப்பட்டது. அந்த பிரச்சனைகளை எல்லாம் கடந்து, தற்போது மீண்டும் தொடங்கி ஷூட்டிங் விறுவிறுப்பாக நடந்து முடிந்துள்ளது.
இந்நிலையில் இந்தியன் 2 படத்தின் போஸ்ட் புரொடக்ஷன் பணிகள் நடந்து வரும் நிலையில் படத்தில் ஒரு சில காட்சிகளில் சிறு வேடங்களில் நடித்தவர்களைக் கூட அவர்களின் சொந்த குரலிலேயே டப்பிங் பேசவைக்கின்றனராம். படத்தில் நடித்த விவேக் மற்றும் நெடுமுடி வேணு ஆகியோர் மறைந்துவிட்ட நிலையில் அவர்களுக்கு மட்டும் வேறு டப்பிங் கலைஞர்களை வைத்து டப்பிங் பேச வைக்க உள்ளதாக சொல்லப்படுகிறது.
