தளபதி விஜய் நடித்த ’கோட்’ திரைப்படம் செப்டம்பர் 5ஆம் தேதி வெளியான நிலையில் இந்த படத்தின் 13 நாள் வசூல் குறித்த அதிகாரப்பூர்வ தகவலை தயாரிப்பாளர் அர்ச்சனா கல்பாத்தி தனது சமூக வலைதளத்தில் தெரிவித்துள்ள நிலையில் இந்த தகவல் தற்போது இணையத்தில் வைரல் ஆகி வருகிறது.
’கோட்’ திரைப்படம் வெளியான முதல் நாள் 125 கோடிக்கு அதிகமான வசூல் செய்த நிலையில் இந்த படத்தின் வசூல் குறித்த தகவல்களை அவ்வப்போது தயாரிப்பு நிறுவனம் தனது சமூக வலைதளத்தில் பதிவு செய்து வருகிறது.
அந்த வகையில் ’கோட்’ திரைப்படம் வெளியாகி தற்போது 13 நாட்கள் ஆகி உள்ள நிலையில் இந்த 13 நாட்களில் இந்த படம் 413 கோடி ரூபாய் வசூல் செய்திருப்பதாக அறிவிக்கப்பட்டுள்ளது. இந்த அறிவிப்பை ரசிகர்கள் கொண்டாடி வருகின்றனர்.
ஏற்கனவே விஜய் நடித்த லியோ திரைப்படமும் 400 கோடிக்கும் அதிகமாக வசூல் செய்த நிலையில் அடுத்தடுத்து அவருடைய இரண்டு படங்கள் 400 கோடிக்கும் அதிகமாக வசூல் செய்து உள்ளது என்பது குறிப்பிடத்தக்கது.
