தெலுங்கு இயக்குனர் எஸ்.எஸ்.ராஜமௌலி இயக்கத்தில் பிரபாஸ், ரானா டகுபாதி, ரம்யா கிருஷ்ணன் உள்ளிட்ட பலர் நடித்து வெளியான படம் பாகுபலி மற்றும் பாகுபலி பாகம் 2. இரண்டு படங்களும் இந்தியா முழுவதும் பெரும் ஹிட் அடித்த நிலையில் தொடர்ந்து அனிமேஷன் சிரிஸாகவும் எடுக்கப்பட்டது.
இந்நிலையில் பாகுபலி தொடக்கத்திற்கு முன் என்ற பெயரில் 3வது பாகத்தை வெப் சிரீஸாக தயாரிக்கும் முயற்சியில் நெட்பிளிக்ஸ் ஈடுபட்டிருந்தது. இதுவரை சுமார் 150 கோடி ரூபாய் செலவில் 6 மாதமாக ஷூட்டிங் நடைபெற்ற நிலையில் இதுவரை எடுக்கப்பட்ட காட்சிகள் நெட்பிளிக்ஸ் நிறுவனத்திற்கு திருப்தியை ஏற்படுத்தவில்லை என கூறப்படுகிறது. இதனால் இந்த வெப்சிரிஸ் ப்ராஜெக்டை தொடரலாமா என்பது குறித்து நெட்பிளிக்ஸ் யோசனையில் உள்ளதாகவும் தகவல்கள் வெளியாகியுள்ளது.
