தமிழகத்தைச் சேர்ந்த ராணுவ அதிகாரியான மேஜர் முகுந்த் வரதராஜனின் வாழ்க்கை வரலாற்றை அடிப்படையாகக் கொண்டு, நடிகர் சிவகார்த்திகேயன் நடிப்பில் உருவான ‘அமரன்’ திரைப்படம் அக்டோபர் 31, தீபாவளி அன்று திரையரங்குகளில் வெளியானது.
தீபாவளியை முன்னிட்டு அமரன், பிரதர், பிளடி பெக்கர் மற்றும் லக்கி பாஸ்கர் ஆகிய படங்கள் வெளியானாலும் அதில் அமரன் மற்றும் லக்கி பாஸ்கர் ஆகிய படங்கள் மட்டுமே பாசிட்டிவ்வான விமர்சனங்களைப் பெற்றுள்ளன. இதுவரை சிவகார்த்திகேயனின் திரைவாழ்க்கையில் இல்லாத மிகப்பெரிய வெற்றிப்படமாக அமரன் அமைந்துள்ளது.
300 கோடி ரூபாய்க்கு மேல் வசூலித்து சாதனைப் படைத்துள்ள அமரன் வெளிநாடுகளில் மட்டும் சுமார் 105 கோடி ரூபாய் வசூலித்துள்ளதாக சொல்லப்படுகிறது. இந்நிலையில் தற்போது அமரன் படத்தின் ஓடிடி ரிலீஸ் அறிவிக்கப்பட்டுள்ளது. டிசம்பர் 5 ஆம் தேதி நெட்பிளிக்ஸ் தளத்தில் ஐந்து மொழிகளில் இந்த படம் ரிலீஸாகவுள்ளது.