இந்தியா இங்கிலாந்தில் சுற்றுப்பயணம் மேற்கொண்டு 5 டெஸ்ட் போட்டிகளில் விளையாட உள்ளது. இங்கிலாந்து ஆடுகளங்களில் கோலியின் பேட்டிங் பங்களிப்பு மிகவும் முக்கியமானது. இதுபற்றி பேசியுள்ள கபில்தேவ் ‘கோலி நிச்சயமாக இங்கிலாந்தில் பிரகாசிப்பார். சூழ்நிலைகேற்ப தகவமைத்துக் கொள்வதில் அவர் கெட்டிக்காரர். ஆனால் அவர் அதிகமாக ஆக்ரோஷமாக விளையாடக்கூடாது. தன் ஆதிக்கத் தருணத்துக்காக அவர் காத்திருந்தால் நல்லது. இங்கிலாந்து ஆடுகளங்களில் அவர் எடுத்த உடனேயே ஆதிக்கம் செலுத்த முடியாது. ஏனெனில் இங்கிலாந்தில் ஸ்விங் ஆகும் பந்துகளை அவர் அவதானிக்க வேண்டும். இங்கிலாந்து அணி அவர்கள் நாட்டில் கடினமான அணி என்பதை நினைவில் வைத்துக்கொள்ள வேண்டும்’ எனக் கூறியுள்ளார்.
