இலங்கை அணி இந்தியாவில் சுற்றுப்பயணம் மேற்கொண்டுள்ளது. இதுவரை இரு அணிகளுக்கிடையே டெஸ்ட் மற்றும் ஒருநாள் தொடர் நிறைவடைந்துள்ளது. டெஸ்ட் தொடரை 1-0 என்ற கணக்கிலும், ஒருநாள் தொடரை 2-1 என்ற கணக்கிலும் இந்தியா கைப்பற்றியது.
இந்நிலையில், மூன்று போட்டிகள் கொண்ட டி20 தொடர் நாளை துவங்குகிறது. முதல் போட்டி ஒடிஷா மாநிலம் கட்டாக்கில் நடைபெறவுள்ளது. டெஸ்ட் மற்றும் ஒருநாள் தொடரை கைப்பற்றியது போல டி20 தொடரையும் கைப்பற்றும் முனைப்பில் உள்ளது.
ஆனால், டெஸ்ட் மற்றும் ஒருநாள் தொடரை இழந்த இலங்கை அணி டி20 தொடரிலாவது வென்று ஆறுதல் அடைய திட்டமிட்டுள்ளது. இதனால் இலங்கை வீரர்கள் வெற்றிக்காக கடுமையாக போராட வாய்ப்புள்ளது. நாளைய போட்டி, இரவு 7 மணிக்கு துவங்குகிறது.