இந்தியா – வங்கதேசம் இடையேயான முதல் டெஸ்ட்டில் முதல் இன்னிங்க்ஸ் முடிந்த நிலையில் இரண்டாவது இன்னிங்க்ஸ் இன்று நடைபெற இருக்கிறது.
இந்தியா – வங்கதேசம் இடையேயான முதல் டெஸ்ட்டின் இரண்டாவது இன்னிங்க்ஸ் இன்று தொடங்குகிறது. நேற்றைய ஆட்டத்தில் டாஸ் வென்று பேட்டிங் தேர்வு செய்தது வங்கதேசம். இந்தியாவின் அபாரமான பந்துவீச்சுக்கு தாக்குபிடிக்க முடியாத வங்கதேசம் 58 ஓவர்களில் அனைத்து விக்கெட்டுகளையும் இழந்து 150 ரன்கள் மட்டுமே எடுத்தது.
இரண்டாவதாக களம் இறங்கிய இந்தியா அட்டகாசமான ஆட்டத்தை வெளிப்படுத்தியது. 114 ஓவர்களில் 6 விக்கெட் இழப்புக்கு 493 ரன்கள் எடுத்தது இந்தியா. மயங்க் அகர்வால் இரட்டை சதத்தை விளாசி ரசிகர்களை ஆச்சர்யத்தில் மூழ்கடித்தார். 243 ரன்கள் எடுத்திருந்த நிலையில் அவுட் ஆனார். விராட் கோலி ஒரு ரன் கூட எடுக்காமல் அவுட் ஆனாலும் புஜாரா, ரஹானே மற்றும் ஜடேஜா தலா ஒரு அரை சதத்தை வீழ்த்தி வங்கதேசத்தை திணறடித்தார்கள்.
வங்கதேசத்தை விட 343 ரன்கள் முன்னிலையில் இருக்கும் இந்தியாவை இரண்டாவது இன்னிங்ஸில் வங்க தேசம் நெருங்குமா என்பது சந்தேகம்தான். வங்கதேச கேப்டன் அல் ஹசன் விளையாட தடை விதிக்கப்பட்டதும், புதிய கேப்டனின் அனுபவமின்மையும் வங்க தேசத்தின் மோசமான ஆட்டத்திற்கு காரணமாக சொல்லப்படுகின்றன.