உடல் பருமனை குறைக்க அறுவை சிகிச்சை செய்த புதுவையைச் சேர்ந்த 26 வயது இளைஞர் பரிதாபமாக பலியான சம்பவம் அதிர்ச்சியை ஏற்படுத்தி உள்ளது.
உடல் பருமனை குறைக்க முறையான உடற்பயிற்சி செய்ய வேண்டும் என்றும் உணவு கட்டுப்பாடு வைத்திருக்க வேண்டும் என்றும் அறிவுறுத்தப்பட்ட நிலையில் சிலர் உடனே உடல் பருமனை குறைக்க வேண்டும் என்பதற்காக அறுவை சிகிச்சையை மேற்கொண்டு வருவதாகவும் அதனால் உயிருக்கே ஆபத்து ஏற்பட்டு வருவதாகவும் கூறப்பட்டுள்ளது.
அந்த வகையில் புதுவையைச் சேர்ந்த 26 வயது இளைஞர் சென்னையில் உள்ள தனியார் மருத்துவமனையில் உடல் பருமனை குறைப்பதற்காக கொழுப்பு சத்தை நீக்கும் அறுவை சிகிச்சை மேற்கொள்ள அனுமதிக்கப்பட்டார்
சிகிச்சை தொடங்கிய சில நிமிடங்களில் அவருக்கு திடீரென மாரடைப்பு ஏற்பட்டதாகவும் இதனை அடுத்து அவர் சில நிமிடங்களில் பரிதாபமாக உயிரிழந்ததாகவும் தெரிகிறது. உயிரிழந்த இளைஞரின் பெயர் ஹேமச்சந்திரன் என்றும் அவருடைய மறைவு குறித்து வழக்கு பதிவு செய்து விசாரணை நடந்து வருவதாகவும் கூறப்படுகிறது.