அமெரிக்க அதிபர் டிரம் கட்சியுடன் மட்டும் தான் எனது கட்சி கூட்டணியில் சேரும் என்றும், மற்ற எந்த கட்சியுடன் கூட்டணி இல்லை என்றும் காமெடியாக நாம் தமிழர் கட்சியின் ஒருங்கிணைப்பாளர் சீமான் இன்று அளித்த பேட்டியில் கூறியிருப்பது பரபரப்பை ஏற்படுத்தியுள்ளது.
நாம் தமிழர் கட்சியின் சீமான், தனது கட்சி தொடங்கியதிலிருந்து இதுவரை எந்தக் கட்சியுடன் கூட்டணி செய்யாமல், அனைத்து தொகுதிகளிலும் தனித்து போட்டியிட்டு வருகிறார் என்பதும், பல தொகுதிகளில் அவரும் அவரது கட்சியினரும் டெபாசிட் இழந்துள்ளனர் என்பதும் குறிப்பிடத்தக்கது.
இருப்பினும், அவர் "கூட்டணி இல்லை" என்ற கொள்கையில் உறுதியாக உள்ளார். ஆனால் அதே நேரத்தில், வரும் 2026 ஆம் ஆண்டு நடைபெறும் தேர்தலில் அவர் கூட்டணியில் சேர வாய்ப்பு இருப்பதாகவும், குறிப்பாக அதிமுக-பாஜக கூட்டணியில் அவரது கட்சி சேரும் என்றும் கூறப்படுகிறது.
