2025 ஆம் ஆண்டு நடைபெற உள்ள குடியரசு தின அணிவகுப்பில் தமிழக ஊர்திகள் இடம் பெறாது என்று அறிவிக்கப்பட்ட நிலையில் இதற்கு எடப்பாடி பழனிசாமி உட்பட பலரும் கண்டனம் தெரிவித்துள்ளனர். இந்த நிலையில் இது குறித்து தமிழ்நாடு அரசின் தகவல் சரிபார்ப்பகத்தின் அதிகாரபூர்வ கணக்கில் விளக்கம் அளிக்கப்பட்டுள்ளது. அந்த விளக்கத்தில் கூறியிருப்பதாவது:
2025ம் ஆண்டு குடியரசு தின விழாவில், தலைநகர் டில்லியில் வருடந்தோறும் நடக்கின்ற அணிவகுப்பில், தமிழ்நாடு அரசின் அலங்கார ஊர்தி நிராகரிப்பட்டதாகப் பரப்பப்படுகிறது.
டெல்லியில் குடியரசு தின அணிவகுப்பில் 15 மாநில மற்றும் யூனியன் பிரதேசங்களின் அணிவகுப்பு அலங்கார ஊர்தி பங்கேற்க தேர்வு செய்யப்படும். ஆனால், சுழற்சி முறையில் மட்டுமே அனுமதிக்கப்படுகிறது. அனைத்து மாநிலங்களாலும் எல்லா ஆண்டுகளிலும் பங்கேற்க இயலாது.
