அவ்வாறாக ஆன்மீக பயணம் செய்துவிட்டு திரும்பிய ரஜினிகாந்த் நேற்று உத்தர பிரதேச முதல்வர் யோகி ஆதித்யநாத்தை சந்தித்தார். யோகி ஆதித்யநாத்தின் கால்களில் விழுந்து ரஜினி ஆசிப்பெற்ற வீடியோ சமூக வலைதளங்களில் வெளியாகி சர்ச்சையை ஏற்படுத்தியுள்ளது. ரஜினிகாந்தை விட வயது குறைந்தவர் யோகி ஆதித்யநாத். அப்படியிருக்க அவர் காலில் ரஜினி விழுந்தது அவரது ரசிகர்களுக்கே ஏற்புடையதாக இல்லை.
இதுகுறித்து பலரும் சமூக வலைதளங்களில் தங்கள் அதிருப்தியை தெரிவித்து வருகின்றனர். மேலும் காலா படத்தில் காலில் விழுவது தவறு என பேசிவிட்டு இப்போது அவரே ஒருவர் காலில் விழுகிறாரே என விமர்சனங்களும் எழுந்துள்ளன. நெட்டிசன்கள் பலர் இதை கிண்டல் செய்து மீம்ஸ்களையும் பகிர்ந்து வருகின்றனர். ஆனால் ரஜினிக்கு ஆதரவாக பேசும் சிலர் யோகி ஆதித்யநாத் ஒரு மாநிலத்தின் முதல்வர் மட்டும் அல்ல. அவர் ஒரு ஆன்மீக துறவி. அதனாலேயே ரஜினி அவ்வாறாக காலில் விழுந்து ஆசீர்வாதம் பெற்றார் என்றும் கூறி வருகின்றனர்.
