பொங்கல் பரிசு தொகுப்புடன் ஆயிரம் ரூபாய் வழங்கப்படும் என்று தமிழக அரசு தெரிவித்துள்ள நிலையில் ஆயிரம் ரூபாய் வழங்குவது குறித்து சென்னை உயர்நீதிமன்றம் முக்கிய அறிவிப்பை வெளியிட்டுள்ளது.
பொங்கல் பரிசு தொகையுடன் வழங்கப்படும் ஆயிரம் ரூபாய் பெறுவதற்கான டோக்கன் நேற்று முதல் ரேஷன் கடைகளில் விநியோகம் செய்யப்பட்டு வரும் நிலையில் மகளிர் உரிமை தொகையை வங்கி கணக்கில் செலுத்துவதை போல பொங்கல் பரிசு தொகையையும் வங்கி கணக்கில் செலுத்த வேண்டும் என்று சென்னை உயர்நீதிமன்றத்தில் வழக்கு தொடரப்பட்டது.
இந்த வழக்கின் விசாரணை செய்த நீதிபதிகள் பொங்கல் பரிசு தொகை பயனாளிகளின் வங்கி கணக்கில் வரவு வைப்பது குறித்து தமிழ்நாடு அரசு பரிசீலனை செய்ய வேண்டும் என்று அறிவுறுத்தி உள்ளது. மேலும் பொங்கல் தொகுப்புடன் வழங்கப்படும் ரூபாய் ஆயிரத்தை வங்கி கணக்கு இல்லாதவர்களுக்கு மட்டும் ரொக்கமாக வழங்கலாம் என்றும் நீதிமன்றம் தெரிவித்துள்ளது.
மேலும் சர்க்கரைக்கு பதில் வெல்லம் வழங்குவது குறித்து தமிழக அரசு பரிசீலனை செய்ய வேண்டும் என்று உயர்நீதிமன்றம் தெரிவித்துள்ளது.