சமீபத்தில் என்.டி.டிவி செய்தியாளர்கள் தேமுதிக-மக்கள் நல கூட்டணியின் முதல்வர் வேட்பாளர் விஜயகாந்தை சந்தித்து பேட்டி எடுத்தனர். இந்த பேட்டியின் போது அவரிடம் பல்வேறு கேள்விகள் கேட்கப்பட்டது. அதற்கு ஆங்கிலம் தமிழ் என கலந்து பதில் அளித்து அசத்தினார்.
ஜெயலலிதா, கருணாநிதியை நேரில் சந்தித்தால் என்ன செய்வீர்கள் என விஜயகாந்திடம் கேட்டனர். அதற்கு பதில் அளித்த அவர், ஜெயலலிதா என்னை பார்த்தால் முகத்தை திருப்பிக் கொள்வார். எனவே நானும் ஜெயலலிதாவை பார்த்தால் முகத்தை திருப்பிக் கொள்வேன் என்றார் விஜயகாந்த்.
மேலும் கருணாநிதி நேரில் பார்த்தால் பேசுவார். மரியாதைக்கு நானும் பேசுவேன், அது அவரது அரசியல் நாகரிகம். கருணாநிதி எல்லாவற்றையும் தனக்கு சாதகமாக்கிக் கொள்வார் எனவும் கூறினார் விஜயகாந்த்.