நேற்று சென்னை வந்திருந்த அமித்ஷா அரசு விழாவில் திமுகவை சாடி பேசியதற்கு திமுக பொதுசெயலாளர் துரைமுருகன் கண்டனம் தெரிவித்துள்ளார்.
நேற்று அரசு விழாவிற்காக சென்னை வந்த மத்திய உள்துறை அமைச்சர் அமித்ஷாவிற்கு அதிமுகவினர் வரவேற்பு அளித்தனர். பின்னர் அரசு விழாவில் பேசிய அமித்ஷா “திமுகவிற்கும், காங்கிரஸுக்கும் ஊழல் குறித்து பேச தகுதி கிடையாது என்றும், அவர்கள் ஆட்சி காலத்தில் ஏகப்பட்ட ஊழல்கள் நடந்ததாகவும் குற்றம் சாட்டினார்.
அமித்ஷாவின் இந்த பேச்சுக்கு திமுக பொதுசெயலாளர் துரைமுருகன் கடும் கண்டனங்களை தெரிவித்துள்ளார். இதுகுறித்து பேசியுள்ள அவர் ”அரசுக்கும், அரசியலுக்கும் வித்தியாசம் தெரியவில்லை என்றால் சர்வதிகாரம் தலைதூக்கும். அரசு விழா ஒன்றில் சம்பந்தம் இல்லாமல் அரசியல் பேசி சென்றுள்ளார் மத்திய அமைச்சர் அமித்ஷா. இது அவர் வகிக்கும் மத்திய அமைச்சர் பதவிக்கு அழகல்ல” என்று கூறியுள்ளார்.